Nýsköpunar- og frumkvöðlanefnd SFHR

Nýsköpunar- og frumkvöðlanefnd SFHR

*English below*

// VILT ÞÚ VERA MEÐ? //

_ABH5011

Við leitum að drífandi og hugmyndaríku fólki til að leiða frumkvöðlastarf innan HR.

Vilt þú vera með?
Opið er fyrir umsóknir í Nýsköpunar- og frumkvöðlanefnd SFHR í samstarfi við Icelandic Startups fyrir næsta skólaár 2019/2020.

Helstu verkefni Icelandic Startups:
· Gulleggið, frumkvöðlakeppni
· Viðskiptahraðlar á borð við Startup Reykjavík, Startup Tourism og Til sjávar og sveita
· Norrænt samstarf
· Sendiferðir með frumkvöðla og fjárfesta á tækni- og sprotaráðstefnur erlendis
Eitt helsta verkefni nefndarinnar snýr að skipulagi og framkvæmd Gulleggsins sem unnið er í nánu samstarfi við verkefnastjóra Icelandic Startups og Nýsköpunar- og frumkvöðlanefnd Háskóla Íslands. Nefndin mun einnig fá tækifæri til að koma að ýmsum öðrum verkefnum á vegum Icelandic Startups á skólaárinu bæði á Íslandi og erlendis. Nefndin mun jafnframt hafa umsjón með nýju frumkvöðlasetri Háskólans Í Reykjavík, SERES, og vinna að uppbyggingu og mótun starfsemi þess í samstarfi við stjórnendur skólans.

Hvers vegna?
Einstakt tækifæri til tengslamyndunar innan sem utan háskóla, hagnýt reynsla af viðburðastjórnun og frumkvöðlastörfum sem og innsýn í rekstur og fjárfestingaumhverfi sprotafyrirtækja.

Hvernig sæki ég um?
Umsóknir berist á studentafelag@ru.is og umsókn skal innihalda ferilskrá og kynningarbréf, að hámarki 400 orð. Umsóknarfrestur rennur út mánudaginn 17. júní næstkomandi.

Um Gulleggið:
Gulleggið er stærsta frumkvöðlakeppni landsins. Um er að ræða krefjandi og skemmtilegt verkefni í skapandi umhverfi og veitir þeim sem taka þátt dýrmætt veganesti inn í framtíðina.

Við leitum að fjölbreyttum hópi drífandi einstaklinga til að skipa nefndina.

Verkefnastjórn Gulleggsins vinnur að skipulagningu keppninnar í samvinnu við verkefnastjóra og í því felst meðal annars:
· Skipuleggja viðburði
· Markaðssetning á Gullegginu
· Efnisgerð s.s markaðsefni – fréttir, myndir og myndbönd
· Stýra miðlum og forritum er snúa að Gullegginu
· Samskipti við þátttakendur og utanumhald Gulleggsins
· Ýmis önnur verkefni sem snúa að því að halda Gulleggið

Á meðal fyrirtækja sem hafa tekið þátt í Gullegginu í gegnum tíðina eru Meniga, Karolina Fund, Róró LullaDoll, Pink Iceland, Solid Clouds, Myrkur Games, Genki Instruments, FlowVR og Pay Analytics. Allar nánari upplýsingar um Gulleggið er að finna á gulleggid.is

Um Icelandic Startups:
Icelandic Startups aðstoðar frumkvöðla við að koma viðskiptahugmyndum í framkvæmd með skjótvirkum hætti og styður íslensk sprotafyrirtæki til vaxtar á alþjóðlegum vettvangi.
Ár hvert taka hátt í 3.000 einstaklingar þátt í fjölbreyttum verkefnum á vegum fyrirtækisins og yfir 500 nýjar viðskiptahugmyndir líta dagsins ljós. Fjöldi sprotafyrirtækja nýtur leiðsagnar vel á annað hundruð sérfræðinga, þar á meðal reyndra frumkvöðla og fjárfesta, við tengslamyndun, vöruþróun, fjármögnun og erlenda markaðssókn.

Icelandic Startups er stærsti einkarekni stuðningsaðili frumkvöðla á Íslandi. Fyrirtækið er í eigu Háskólans í Reykjavík, Háskóla Íslands, Origo, Samtaka iðnaðarins og Nýsköpunarsjóðs atvinnulífsins. Icelandic Startups er rekið án hagnaðarsjónarmiða (e. non-profit) og drifið áfram af hugsjón með stuðningi atvinnulífsins. Fyrirtækið tekur ekki eignarhlut í fyrirtækjum sem njóta aðstoðar þess.

Allar nánari upplýsingar er að finna á icelandicstartups.com

Við hlökkum til að heyra frá þér!
hello@icelandicstartups.is / daniel@icelandicstartups.is

—-

Dear students,

Student Association at Reykjavik University is looking for applicants for the Innovation and Entrepreneurship committee. Apply at studentafelag@ru.is with your resume and an introduction letter, max 400 words. Applications must be sent in by friday, June 17th.

Participation in the committee is a unique opportunity to get insights into the startup scene in Iceland and learn how to start your own company. Plenty of valuable networking opportunities and hands-on experience of event- and project management.

_ABH4475 (3)

The committee works closely with Icelandic Startups, a non-profit organization which is the largest private supporter of entrepreneurs and startups in Iceland. The committee gets an opportunity to participate in the execution of Icelandic Startups’ various projects.

The goal of this committee is to increase innovation and entrepreneurship within the University. Among the committee’s projects are Gulleggið (Golden Egg business plan competition), startup-meetups, attending conferences and association with other Nordic universities.

Further information about Icelandic Startups can be found here: http://www.icelandicstartups.com

If you have any questions don’t hesitate to contact:
hello@icelandicstartups.is / daniel@icelandicstartups.is

Looking forward to hearing from you.

Comments are closed.