Browsed by
Höfundur: SFHR

Boðun kosninga í stjórnir og félög við Háskólann í Reykjavík 2018

Boðun kosninga í stjórnir og félög við Háskólann í Reykjavík 2018

Kjörstjórn Stúdentafélags Háskólans í Reykjavík boðar til kosninga 13. – 16. mars 2018 í stjórnir eftirfarandi félaga:
* Stúdentafélag Háskólans í Reykjavík.


* Atlas, félag íþróttafræðinema við Háskólann í Reykjavík.


* Markaðsráð, félag viðskiptafræðinema við Háskólann í Reykjavík.
* Mentes, félag sálfræðinema við Háskólann í Reykjavík.


* Pragma, félag tækni- og verkfræðinema við Háskólann í Reykjavík.


* Tvíund, félag tölvunarfræðinema við Háskólann í Reykjavík.
* Lögrétta, félag lögfræðinema við Háskólann í Reykjavík.

* Einnig er kosið í stjórn Háskólablaðsins.

Tekið verður við framboðum frá og með 19. febrúar eins og greint var frá í tölvupósti til nemenda. Frestur til framboðs í embætti á vegum Stúdentafélags HR og aðildarfélaga þess er til kl. 23:59 sunnudaginn 11. mars 2017.


Frambjóðendur hafa mánudaginn 12. mars til þess að kynna sín framboð áður en kosningar hefjast. Kosið verður í MySchool kennslukerfinu frá kl. 12:00 þriðjudaginn 13. mars til kl. 12:00 föstudaginn 16. mars. Úrslit verða kynnt í kosningapartýi að kvöldi 16. mars, sem auglýst verður síðar.

Eftirfarandi skilyrði gilda um framboð:

· Senda skal framboðstilkynningu með tölvupósti á netfangið kjorsfhr@ru.is, setja skal Framboð 2018 og viðeigandi félag í viðfangsefni (e. subject).
· Frambjóðandi skal taka það skýrt fram hvaða embætti hann býður sig fram í og í hvaða nemendafélagi.
· Fram þarf að koma fullt nafn frambjóðanda, aldur, námsbraut og námsgráðu sem frambjóðandi leggur stund á, ásamt stuttri kynningu á framboðinu (50-100 orð).
· Passamynd (eða sambærilega góð andlitsmynd) af frambjóðanda er skilyrði, og skal fylgja í viðhengi með tölvupósti.
· Allar þær upplýsingar sem beðið er um hér að framan eru birtar á kosningavef á heimasíðu Stúdentafélags Háskólans í Reykjavík og/eða á Facebook-síðu Stúdentafélags Háskólans í Reykjavík þegar að framboðsfresti lýkur. Upplýsingarnar verða afritaðar beint úr tölvupósti frá frambjóðenda, svo frambjóðandi ber alfarið ábyrgð á eigin rithætti.

Tengiliður hvers nemendafélags mun sjá um að boða til framboðsfundar í hverju nemendafélagi fyrir sig og fyrir Stúdentafélag Háskólans í Reykjavík. Framboðsfundir verða í upphafi kosningaviku og verða auglýstir síðar.

Reglur um framboðskynningar
· Frambjóðendum er frjálst að kynna framboð sín eftir að öll framboð hafa verið kynnt og svo fremi sem kosningabaráttan er háð með heiðarlegum hætti og af virðingu fyrir mótframbjóðendum.
· Aðeins má auglýsa framboð með plakötum á meðan að kosningu stendur, aðeins má nota fyrirfram skilgreind auglýsingasvæði, sbr. skólareglur. Frambjóðendum ber að virða umgengnisreglur skólans, hvort sem það er innan veggja skólans eða á skólalóð.
· Óheimilt er að raska starfsemi skólans nema með leyfi skólayfirvalda.
· Óheimilt er að stunda beinar framboðskynningar utan skólalóðar HR, s.s. í vísindaferðum. Þó er heimilt að halda úti kosningavefsíðu, en frambjóðendur skulu há kosningabaráttu sína með heiðarlegum hætti og af virðingu fyrir mótframbjóðendum á kosningasíðum sínum. Auglýsingar og framboðskynningar þurfa að vera innan siðferðislegra marka og eiga ekki að áreita nemendur að óþörfu.
· Leita þarf samþykkis hjá Katrínu Rut Bessadóttur (katrinrb@ru.is) fyrir veitingum á framboðskynningum.
· Frambjóðendum ber að fjarlægja allar auglýsingar og plaköt í húsnæði skólans að kosningum loknum.
· Frambjóðendur þurfa að öðru leyti að fylgja lögum þess nemendafélags sem viðkomandi frambjóðandi býður sig fram í.
· Lög um kosningar má finna undir lögum Stúdentafélags Háskólans í Reykjavík á
http://sfhr.is/log-studentafelagsins/


Kjörstjórn er skipuð eftirfarandi aðilum:

* Salka Sigurðardóttir (SFHR), salka15@ru.is
* Íris Björk Indriðadóttir (Mentes), irisi16@ru.is
* Emil Robert Smith (Pragma), emil15@ru.is
* Hjördís Sveinsdóttir (Markaðsráð), hjordis16@ru.is
* Smári Björn Gunnarsson (Tvíund), smarig15@ru.is
* Sóley Guðmundsdóttir (Atlas), soleyg16@ru.is
* Iðunn Berta Magnúsdóttir (Lögrétta), idunn15@ru.is

Fulltrúi hvers nemendafélags sér um úrvinnslu framboðstilkynninga fyrir sitt nemendafélag. Framboðstilkynningum er svarað þegar að gengið hefur verið úr skugga um kjörgengi frambjóðanda.

Lýsingar á embættum
Hér á eftir koma lýsingar á embættum innan SFHR og aðildarfélaga.

Embætti innan Stúdentafélags HR (SFHR)

Kjörgengisskilyrði
Kjörgengir eru allir nemendur HR sem hyggja á áframhaldandi nám við HR. Allir nemendur Háskólans í Reykjavík hafa kosningarétt.

Lýsing á embættum
Stjórn Stúdentafélags HR skal kosin einstaklingskosningu. Embættin eru formaður, varaformaður, gjaldkeri, hagsmunafulltrúi og upplýsingafulltrúi.

Formaður SFHR:
Formaður Stúdentafélagsins, í hans fjarveru varaformaður, stjórnar fundum og kemur fram fyrir hönd Stúdentafélagsins í samskiptum við aðila innan sem utan Háskólans í Reykjavík. Formaður hefur yfirumsjón með starfsemi á vegum félagsins og ber hann endanlega ábyrgð á málefnum þess. Formaður situr í framkvæmdastjórn Háskólans í Reykjavík og situr fundi Háskólaráðs. Formaður hefur prókúru og ritar firma félagsins. Formaður ber ábyrgð á gerð ársskýrslu sem skal leggja fram á aðalfundi ár hvert og birta á heimasíðu félagsins.

Varaformaður SFHR: Varaformaður skal rita fundargerðir stjórnarfunda og sjá til þess að fundargerðir séu samþykktar af stjórn Stúdentafélagsins. Varaformaður er formaður alþjóðanefndar Stúdentafélagsins og er því tengiliður stjórnar við erlenda nemendur sem stund nám við skólann sem og Alþjóðaskrifstofu skólans. Þar að auki sér varaformaður um helstu samskipti við framkvæmdastjórn Stúdentafélagsins, nefndir Stúdentafélagsins og fulltrúa félagsins í framkvæmdastjórn Landssamtaka íslenskra stúdenta. Í fjarveru formanns stjórnar varaformaður fundum stjórnar og kemur fram fyrir hönd Stúdentafélagsins í samskiptum við aðila innan sem utan Háskólans í Reykjavík.

Gjaldkeri SFHR: Gjaldkeri hefur einn umsjón með fjárráðum félagsins. Gjaldkeri útbýr fjárhagsáætlun Stúdentafélagsins og leggur hana fyrir stjórn til samþykktar fyrir lok septembermánaðar. Ársuppgjör skal vera aðgengilegt félagsmönnum þremur dögum fyrir aðalfund hið minnsta. Gjaldkeri hefur prókúru félagsins.

Hagsmunafulltrúi SFHR: Hagsmunafulltrúi skal vinna að hagsmunamálum nemenda og gæðamálum náms við Háskólann í Reykjavík og hafa frumkvæði af úrbótum hverju sinni, hvort sem það er í samvinnu við kennslusvið eða einstaka deild innan háskólans. Þá skal hagsmunafulltrúi vera hagsmunafulltrúum nemendafélaganna innan handar. Hagsmunafulltrúi hefur umsjón með fyrirspurnum nemenda um Lánasjóð íslenskra Námsmanna (LÍN) og ber ábyrgð á að skila fullnaðarskýrslu með yfirliti um starfsemina ár hvert um framkvæmd þjónustusamnings. Auk þess er hann tengiliður stjórnar við lánasjóðsfulltrúa félagsins sem situr í stjórn LÍN. Hagsmunafulltrúi ber þar að auki ábyrgð á endurskoðun laga Stúdentafélagsins þegar þörf er á. Hagsmunafulltrúi skal sækjast eftir því að sitja í Gæðanefnd Landssamtaka íslenskra stúdenta.

Upplýsingafulltrúi SFHR: Upplýsingafulltrúi ber ábyrgð á og hefur yfirumsjón með öllum útgáfumálum félagsins að undanskildu Háskólablaðinu HRóður. Upplýsingafulltrúi sér um umsjón og svörun aðsendra bréfa, um heimasíðu félagsins og alla samfélagsmiðla sem félagið er á hverju sinni. Upplýsingafulltrúi skal vinna náið með upplýsingafulltrúum nemendafélaganna til þess að tryggja gott upplýsingaflæði og svo að hægt sé að upplýsa nemendur sem best hverju sinni.

Embætti í ritstjórn Háskólablaðsins

Kjörgengir eru allir nemendur HR sem hyggja á áframhaldandi nám við HR. Allir nemendur Háskólans í Reykjavík hafa kosningarétt. Ritstjórn Háskólablaðsins er kosin einstaklingskosningu.

Hlutverk ritstjórnar er að gefa út Háskólablaðið, a.m.k. einu sinni á skólaári. Ritstjórn skal standa skil á starfsemi ritstjórnar á skólaárinu áður en kennsla á haustönn hefst. Ritstjórn er heimilt að auglýsa eftir blaðamönnum innan Háskóla Reykjavíkur eftir því sem við á.

Lýsing á embættum:

Ritstjóri
Hefur yfirumsjón með efnistökum Háskólablaðsins og ber ábyrgð á öllu útgefnu efni á vegum blaðsins. Ritstjóri stjórnar einnig ritstjórnarfundum og skal í samráði við fjármálastjóra ákveða fjölda útgáfa, útgáfudag og umfang blaðs á því skólaári sem hann stýrir blaðinu. Ritstjóri hefur prókúru og ritar firma félagsins.

Fjármálastjóri
Hefur einn umsjón með fjárráðum félagsins og útbýr fjárhagsáætlun fyrir Háskólablaðsins. Ársuppgjöri Háskólablaðsins skal skilað til gjaldkera Stúdentafélagsins þremur dögum fyrir aðalfund hið minnsta. Fjármálastjóri hefur prókúfu.

Markaðsstjóri
Sér um markaðssetningu blaðsins og ákvarðar í sameiningu með fjármálastjóra dreifingu, kynningu og aðra utanaðkomandi umfjöllun um Háskólablaðið.

Fjáröflunarstjóri
Hefur umsjón með allri fjáröflun og auglýsingasölu í Háskólablaðið og annað útgefið efni á vegum blaðsins, s.s. á heimasíðu og kynningarefni.

Listrænn stjórnandi
Hefur umsjón á útliti blaðsins og öðru útgefnu efni á vegum blaðsins, í samráði við ritstjóra. Þar er átt við útlit myndatakna, umbrot, hönnun o.s.frv.

Embætti í Atlas

Kjörgengisskilyrði:
Kjörgengir eru allir nemendur í íþróttafræði í HR sem hyggja á áframhaldandi nám við íþróttafræði í HR. Allir nemendur íþróttafræðinnar Háskólans í Reykjavík hafa kosningarétt. Stjórn Atlas skal kosin einstaklingskosningu.

Lýsing á embættum:

Formaður: Formaður Atlas ritar firma félagsins. Formaður hefur prókúru félagsins. Formaður kemur fram fyrir hönd Atlas innan sem utan Háskólans í Reykjavík. Formaður stjórnar fundum stjórnar og situr í framkvæmdastjórn SFHR.

Varaformaður: Varaformaður kemur fram í forföllum formanns, ásamt því að sinna ýmsum aðkallandi verkefnum.

Gjaldkeri:
Ber ábyrgð á bókhaldi félagsins ásamt því sem hann undirbýr fjárhagsáætlun félagsins eitt ár fram í tímann og leggur hana fyrir stjórn til samþykktar fyrir septemberlok ár hvert. Hann skal einnig leggja fyrir stjórnina ársreikning á aðalfundi félagsins. Gjaldkeri hefur prókúru félagsins.

Ritari: Ritari ritar fundargerðir stjórnarfunda. Hann hefur umsjá aðsendra bréfa. Ritari skal vera tengiliður við önnur félög í kennslufræði og lýðheilsu, innlend sem erlend. Í fjarveru hans ritar meðstjórnandi fundargerðir stjórnarfunda.

Skemmtanastjóri:
Skipuleggur vísindaferðir og uppákomur af ýmsu tagi. Skemmtanastjóri verður í nánu sambandi við önnur félög og heldur samkomur í samstarfi við þau.

Embætti innan Markaðsráðs:

Kjörgengisskilyrði
Greiðandi félagar í Markaðsráði hafa kjörgengi. Kosningarétt hafa allir viðskiptafræðinemar við HR. Stjórn Markaðsráðs skal kosin einstaklingskosningu.

Lýsing á embættum:

Formaður: Formaður hefur yfirumsjón með því sem gert er í félaginu og er öllum stjórnarmönnum innan handar. Hann kemur fram fyrir hönd stjórnar, sér um að boða og stjórna fundum og búa til fundardagskrá. Formaður ritar firma félagsins og hefur prókúru þess. Formaður ber ábyrgð á því að lögum og reglum félagsins sé framfylgt. Formaður situr í framkvæmdastjórn SFHR.


Varaformaður: Varaformaður Markaðsráðs er ritari félagsins og kemur fram fyrir hönd félagsins í forföllum formanns. Varaformaður ritar fundargerðir og sér um svörun aðsendra bréfa. Varaformaður er ábyrgðarmaður facebook síðu Markaðsráðs, og sér um að halda uppi upplýsingaveitu til nemenda um atburði félagsins.

Gjaldkeri: Hlutverk gjaldkera Markaðsráðs er að halda utan um bókhald Markaðsráðs. Gjaldkeri fer jafnframt með yfirumsjón yfir fjármálum allra nefnda og undirfélaga sem satarfa á vegum Markaðsráðs. Gjaldkeri sér um að halda utan um reikninga og viðskipti félagsins. Í upphafi annar þarf að setja fram fjárhagsáætlun fyrir skólaárið. Hann skal einnig leggja fyrir stjórnina áramótauppgjör eigi síðar en 31. janúar ár hvert. Gjaldkeri situr í stjórn Markaðsráðs.

Formaður Málfundafélags: Ber ábyrgð á starfi Málfundafélags Markaðsráðs. Formaður málfundafélags skal sjá um að halda ýmis virðisaukandi námskeið fyrir nemendur. Formaður málfundafélags situr í stjórn Markaðsráðs og tekur að sér stöðu ritara í fjarveru varaformanns.

Formaður Skemmtinefndar: Formaður skemmtinefndar ber ábyrgð á starfi skemmtinefndar markaðsráðs, þ.e. sér um allar vísindaferðir, uppákomur, samkomur og allt félagslíf í kringum viðskiptadeild Háskólans í Reykjavík. Formaður skemmtinefndar situr einnig í stjórn Markaðsráðs.

Formaður Hagfræðifélagsins ber ábyrgð á starfi Hagfræðifélagsins og tekur þátt í störfum stjórnar. Formaður skal, ásamt ritstjóra Hagvísis og meðlimum Hagfræðifélagsins annast útgáfu Hagvísis, tímarits viðskipta- og hagfræðinema við Háskólann í Reykjavík.
Kjörgengisskilyrði

Embætti innan Mentes:

Kjörgengisskilyrði
Kosningarétt hafa allir félagsmenn. Kjörgengi hafa þeir félagsmenn sem greitt hafa félagsgjöld. Stjórn Mentes skal kosin einstaklingskosningu. 



Lýsing á embættum:
Formaður Mentes:
Formaður kemur fram fyrir hönd Mentes innan sem utan Háskólans í Reykjavík og er tengiliður Mentes við önnur félög sálfræðinema, innlend sem erlend. Formaður sér einnig um að boða til og stýra fundum stjórnar, ritar firma félagsins og hefur, ásamt gjaldkera, prófkúru félagsins. Formaður situr í framkvæmdastjórn SFHR.

Varaformaður:
Varaformaður sinnir störfum formanns í hans fjarveru og ritar fundargerðir stjórnarfunda í fjarveru ritara. Varaformaður, ásamt ritara, hefur yfirumsjón með Námsaðstoð Mentes sem felst í námskeiðum, prófbúðum og annarri kennslu.

Gjaldkeri Mentes:
Gjaldkeri ber ábyrgð á bókhaldi félagsins og hefur, ásamt formanni, prókúru félagsins. Gjaldkeri sér einnig um undirbúning fjárhagsáætlana, bæði fyrir starfsárið sem heild sem og einstaka viðburði.

Ritari Mentes:
Ritari hefur umsjón með heimasíðu og fésbókarsíðu félagsins sem og umsjá aðsendra bréfa og tölvupósta. Ritari sér um að rita fundargerðir stjórnarfunda. Ritari, ásamt varaformanni, hefur yfirumsjón með Námsaðstoð Mentes sem felst í námskeiðum, prófbúðum og annarri kennslu.

Skemmtanastjóri Mentes:
Skemmtanastjórn vinnur í samvinnu við skemmtinefnd að skipulagningu vísindaferða og annarra viðburða. Skemmtanastjóri er einnig í samstarfi við önnur nemendafélög og sér um skipulagningu sameiginlegra viðburða.

Embætti í Pragma:

Kjörgengisskilyrði
Kosið er einstaklingskosningu, í stjórn og nefndir Pragma. Kosningarétt hafa allir félagsmenn. Kjörgengi hafa þeir félagsmenn sem greitt hafa félagsgjöld.

Lýsing á embættum:
Formaður: Formaður Pragma ritar firma félagsins og hefur prófkúru. Formaður situr í framkvæmdastjórn SFHR

Varaformaður/ritari: Varaformaður hefur umsjón með facebook síðu og heimasíðu félagsins ásamt umsjá aðsendra bréfa. Ritari skal vera tengiliður Pragma við önnur félög verkfræðinema, innlend sem erlend

Gjaldkeri: Gjaldkeri ber ábyrgð á bókhaldi félagsins. Gjaldkeri undirbýr fjárhagsáætlun félagsins eitt ár fram í tímann og leggur hana fyrir stjórn til samþykktar fyrir septemberlok ár hvert. Hann skal einnig leggja fyrir stjórnina fjárhagsstöðu félags eigi síðar en 31. janúar ár hvert. Verði gjaldkera ljóst að tap sé á rekstri félagsins skal boða til fundar innan stjórnar hið fyrsta og tekin sameiginleg ákvörðun um aðgerðir.


Skemmtanastjóri: Skemmtanastjóri hefur yfirumsjón skemmtanalífi Pragma, hann skal skipuleggja vísindaferðir og aðra viðburði sem tengjast skemmtanalífinu. Skemmtanastjóri hefur yfirumsjón með skemmtinefnd Pragma og skal einnig vera tengiliður skemmtanastjóra hinna félaga innan SFHR.

Upplýsingastjóri: Upplýsingastjóri hefur yfirumsjón með upplýsinganefnd og skal vinna að því að fá aðila úr atvinnulífinu til að standa fyrir fyrirlestrum og námskeiðum er tengjast þeim verkræðigreinum sem kenndar eru við Háskólann í Reykjavík. Upplýsingastjóri og upplýsinganefnd standa fyrir prófbúðum Pragma.

Fulltrúi í upplýsinganefnd – 2 stöður: Fulltrúar í upplýsinganefnd skulu vera upplýsingastjóra innan handar og hjálpa til við þau verkefni sem honum falla í hendur.

Fulltrúi í skemmtinefnd – 3 stöður: Fulltrúar í skemmtinefnd skulu vera skemmtanastjóra innan handar og hjálpa til við þau verkefni sem honum falla í hendur.

Embætti í Tvíund

Kjörgengisskilyrði
Allir félagsmenn hafa kosningarétt og eru kjörgengnir. Kosið er einstaklingskosningu í embætti stjórnar og skemmtinefnd.

Lýsing á embættum:

Formaður Tvíundar: Formaður kemur fram fyrir hönd félagsins innan sem utan Háskólans í Reykjavík. Formaður er tengiliður Tvíundar við Tölvunarfræðideild Háskólans í Reykjavík. Formaður stjórnar fundum stjórnar og situr í framkvæmdastjórn SFHR.

Gjaldkeri Tvíundar: Gjaldkeri ber ábyrgð á bókhaldi félagsins og hefur prókúru á reikninga félagsins. Gjaldkeri undirbýr fjárhagsáætlun félagsins eitt ár fram í tímann og leggur hana fyrir stjórn til samþykktar fyrir septemberlok ár hvert. Hann skal einnig leggja fyrir stjórnina áramótauppgjör eigi síðar en fyrir upphaf vorannar ár hvert.

Upplýsingafulltrúi Tvíundar: Upplýsingafulltrúi ritar fundargerðir stjórnarfunda. Upplýsingafulltrúi hefur umsjón með heimasíðu félagsins og hefur umsjá með aðsendum bréfum. Upplýsingafulltrúi skal vera tengiliður Tvíundar við önnur félög tölvunarfræðistúdenta, innlend sem erlend. Upplýsingafulltrúi sér til þess að öll gögn sem snúa að störfum stjórnarinnar séu aðgengileg öllum stjórnarmeðlimum og sér til þess að næsta stjórn fái aðgang að áðurnefndum gögnum. Upplýsingafulltrúi hefur yfirumsjón með Tvíund Production. Upplýsingafulltrúi er jafnframt varaformaður félagsins.

Hagsmunafulltrúi Tvíundar: Hlutverk hagsmunafulltrúa er að útvega og halda utan um þau námskeið og fyrirlestra sem haldnir eru á vegum félagsins. Hagsmunafulltrúi skal hafa yfirumsjón með upprifjunarnámskeiðum fyrir lokapróf á hverri önn. Auk þess skal hann vera tengiliður Tvíundar við tölvunarfræðideildina fyrir þau námskeið sem tölvunarfræðideildin stendur fyrir. Hann hefur yfirumsjón með og er tengiliður við hverja þá klúbba sem eru á vegum félagsins.

Skemmtanastjóri: Skemmtanastjóri hefur yfirumsjón með viðburðum á vegum Tvíundar. Hann hefur einnig yfirumsjón með skemmtinefnd Tvíundar og er formaður hennar. Skemmtanastjóri er sömuleiðis tengiliður félagsins við skemmtanastjóra annarra nemendafélaga innan Háskólans í Reykjavík.

Fulltrúi í skemmtinefnd – 2 stöður:
Aðstoðar Skemmtanastjóra. Skemmtinefnd hefur yfirumsjón með mannfögnuðum á vegum Tvíundar. Skemmtinefnd Tvíundar skal skipuð þremur aðilum, skemmtanastjóra og tveimur fulltrúum. Kosinn er skemmtanastjóri og í embætti fulltrúa skemmtinefndar. Þeir tveir aðilar sem fá flest atkvæði í embætti fulltrúa skemmtinefndar hljóta kosningu.

Embætti í Lögréttu

Kjörgengisskilyrði
Allir félagsmenn hafa kosningarétt og eru kjörgengnir. Kosið er einstaklingskosningu í embætti stjórnar og nefndar Lögréttu.

Lýsing á embættum:
Formaður Lögréttu: Formaður kemur fram fyrir hönd Lögréttu innan sem utan Háskólans í Reykjavík. Formaður stjórnar einnig fundum stjórnar Lögréttu og situr sem fulltrúi laganema á deildarfundum lagadeildar. Auk þess ritar formaður Lögréttu firma félagsins og hefur prókúru félagsins ásamt gjaldkera.


Varaformaður Lögréttu: Varaformaður ritar fundargerðir stjórnarfunda og hefur umsjón með heimasíðu félagsins,www.logretta.is, svo og umsjá aðsendra bréfa. Einnig skal varaformaður vera tengiliður Lögréttu við önnur félög laganema, innlend sem erlend. Í fjarveru formanns kemur varaformaður fram fyrir hönd lögréttu innan sem utan Háskólans í Reykjavík og stýrir fundum stjórnar Lögréttu.


Gjaldkeri Lögréttu: Gjaldkeri ber ábyrgð á bókhaldi félagsins. Felst það meðal annars í því að honum ber að undirbúa fjárhagsáætlun félagsins eitt ár fram í tímann og leggja hana fyrir stjórn til samþykkis. Einnig skal hann gera ársuppgjör og ársreikning í lok reikningsárs félagsins. Gjaldkeri hefur prókúru félagsins ásamt formanni.


Ritstjórn Tímarits Lögréttu: Fjórir aðilar í ritstjórn Tímarits Lögréttu. Hér er um listakosningu að ræða og skal einn aðilanna koma fram sem formaður og situr hann jafnframt sem fulltrúi í stjórn Lögréttu. Hlutverk ritnefndar er að sjá um útgáfu Tímarits Lögréttu. Formaður ritnefndar ber ábyrgð á útgáfustarfsemi Lögréttu og tekur þátt í störfum stjórnar Lögréttu.

Málfundafélag Lögréttu: Fjórir aðilar í stjórn málfundafélags Lögréttu. Hér er um listakosningu að ræða og skal einn aðilanna koma fram sem formaður og situr hann jafnframt sem fulltrúi í stjórn Lögréttu Hlutverk félagsins er að stofna til umræðu um lögfræðileg málefni og að þjálfa félaga sína til lögfræðilegra viðfangsefna, rökfimi og mælskulistar. Formaður málfundafélags ber ábyrgð á starfi Málfundafélags Lögréttu og tekur þátt í störfum stjórnar Lögréttu

Skemmtinefnd Lögréttu: Fjórir til fimm aðilar í skemmtinefnd Lögréttu. Hér er um listakosningu að ræða og skal einn aðilanna koma fram sem formaður og situr hann jafnframt fundi stjórnar Lögréttu og hefur þar tillögu- og áheyrnarrétt. Skemmtinefnd skal skipuleggja skemmtanir fyrir félagsmenn í samstarfi við stjórn Lögréttu.

Fulltrúar í framkvæmdaráði Lögfræðiþjónustu Lögréttu: Tveir til fjórir aðilar í framkvæmdaráð Lögfræðiþjónustu Lögréttu. Hér er um listakosningu að ræða og skal einn aðili koma fram sem framkvæmdastjóri Lögfræðiþjónustunnar en hinir sem meðstjórnendur í framkvæmdaráði.
Tilgreint skal á framboðslista hver býður sig fram í embætti framkvæmdastjóra. Framkvæmdastjóri skal við framboð vera að ljúka 6. önn til B.A. gráðu í lögfræði eða hafa lokið B.A. gráðu í lögfræði.

Bestu kveðjur,
Kjörstjórn SFHR

#kjóstumenntun þann 28. október

#kjóstumenntun þann 28. október

Málefni háskólanna á Íslandi og íslenskra stúdenta almennt hafa verið vanrækt lengi. Háskólakerfið á Íslandi er ekki fjármagnað með fullnægjandi hætti. Afleiðingar þess birtast stúdentum og starfsmönnum háskólanna á hverjum degi. Undirfjármögnun háskólanna bitnar meðal annars á þjónustustigi, gæði náms og aðgengi að námi.

Það er nauðsynlegt að stúdentar, eins fjölbreyttur hópur sem þeir eru, fái viðeigandi stuðning til að afla sér menntunar óháð efnahag, bakgrunni, félagslegum aðstæðum og stöðu að öðru leyti.

Landssamtök íslenskra stúdenta og aðildarfélög hafa sett niður eftirfarandi áherslur fyrir Alþingiskosningar 2017 og hvetja frambjóðendur til þess að setja þær í forgang.

#kjóstumenntun þann 28. október LIS-Poster-kjóstumenntun

Opinn fundur 18. október í Háskóla Íslands #kjóstumenntun

Opinn fundur 18. október í Háskóla Íslands #kjóstumenntun

Stúdentafélag Háskólans í Reykjavík í samstarfi við aðildarfélög LÍS – Landssamtök íslenskra stúdenta halda opinn fund þann 18. október kl 12:00 á Háskólatorgi með fulltrúum stjórnmálaflokka vegna Alþingiskosninga sem fara fram 28. október. Tilefni fundar er að vekja athygli á stöðu háskólanna á Íslandi og opna umræðu um málefnið milli stúdenta og stjórnmálaflokka.

Í pallborði sitja:

Viðreisn: Pawel Bartoszek
Samfylkingin: Jóhanna Vigdís Guðmundsdóttir
Björt framtíð: Nichole Leigh Mosty
Píratar: Fulltrúi tilkynntur síðar
Vinstrihreyfingin – grænt framboð: Fulltrúi tilkynntur síðar
Sjálfstæðisflokkurinn: Fulltrúi tilkynntur síðar
Framsóknarflokkurinn: Lilja Dögg Alfreðsdóttir
Flokkur fólksins: Fulltrúi tilkynntur síðar
Miðflokkurinn: Fulltrúi kynntur síðar

Ragna Árnadóttir, aðstoðarforstjóri Landsvirkjunar, fyrrverandi ráðherra og meðlimur í háskólaráði Háskóla Íslands, stýrir umræðum.

Það er kominn tími á að íslenskt háskólakerfi sé fjármagnað með fullnægjandi hætti en til þess þarf metnað stjórnvalda. Við hvetjum stúdenta til þess að fjölmenna á fundinn, spyrja spurninga og heyra hvað stjórnmálaflokkarnir hafa um málið að segja.

Fundurinn er liður í sameiginlegu átaki LÍS og aðildarfélaga þess í aðdraganda Alþingiskosninga 2017 sem hefur það að markmiði að vekja athygli íslenskra stúdenta á kosningunum og stöðu háskólastigsins. Kassamerki átaksins er #kjóstumenntun.

#kjóstumenntun

#kjóstumenntun

Háskólar á Íslandi eru verr fjármagnaðir en háskólar á Norðurlöndunum. Heildartekjur háskóla á Norðurlöndunum á hvern ársnema eru að meðaltali 4,4 milljónir en 2,3 milljónir á Íslandi. Þetta þýðir að framlög til háskóla á Norðurlöndunum eru um það bil tvöfalt hærri en hér á landi, sé miðað við nemendafjölda.

– Stúdentafélag háskólans í Reykjavík – hefur nú hleypt af stokkunum átaki í samstarfi við LÍS – Landssamtök íslenskra stúdenta til að vekja athygli á þessari stöðu og þrýsta á að hún verði lagfærð. Við hvetjum stjórnmálaflokka til að setja menntun á oddinn í komandi kosningum og kjósendur að kjósa menntun þann 28. október.

#kjóstumenntun

Úrskurður kærunefndar 26. mars 2017

Úrskurður kærunefndar 26. mars 2017

Þann 21. mars 2017 barst kærunefnd kæra vegna kosninga í formann Markaðsráðs. Í lögum SFHR eru engar reglur um hvernig frambjóðendur skuli haga sér en á hverju ári hefur kjörstjórn sent út til allra nemenda reglur sem gilda um framboðskynningar. Úrskurðinn má sjá í heild sinni hér.

Landsþing LÍS 2017

Landsþing LÍS 2017

Landsþing Landssamtaka íslenskra stúdenta var haldið helgina 17 – 19. mars í Háskólanum á Akureyri. Stúdentafélag Háskólans í Reykjavík á sjö sæti á þinginu og voru fulltrúarnir í ár blanda af núverandi stjórn félagsins og nýkjörnum fulltrúm sem munu taka við á aðalfundi félagsins fimmtudaginn 23. mars.

 

Yfirskrift þingsins var “Hvers virði er mín menntun? – Efling stúdenta í gæðastarfi háskólanna”. Á þinginu voru vinnustofur þar sem fulltrúar stúdentahreyfinga komu saman að ræða gæðastarf og hvernig efla má þátttöku stúdenta í því starfi. Öll sú vinna sem fór fram um helgina mun leggja grunn að mótun stefnu LÍS um gæðastarf.

 

Mynd frétt LÍS SFHR

Hugmyndakassi SFHR

Hugmyndakassi SFHR

Fyrir stuttu var hugmyndakassinn í Sólinni og þar fengum við margar góðar ábendingar og munum því setja kassann aftur í Sólina bráðlega. Við fengum svör við mörgum ábendingum frá ýmsum aðilum skólans. Hér eru svörin:

1. Aðra vatnsvél hjá Málinu og í Sólina, klakavél og sódavatn: Vatnsvélar eru í skoðun en sódavatn og klakavél er erfitt viðureignar.

2. Hafa bókasafnið opið allan sólahringinn: Opnunartímar hafa verið lengdir þessa önnina og hefur umgengnin verið mjög slæm. Svo til þess að lengja opnunartímann enn frekar þarf umgengni nemenda að bætast.

3. Hafa hjólageymslu inni auk þess að fá aðstöðu til þess að pumpa í dekk: Það er í skoðun að byggja skýli fyrir utan skólann fyfir hjól.

4. Ruslatunnur fyrir pítsakassa: Eitthvað sem þarf að skoða frekar.

5. Hafa ókynjuð salerni: Er í vinnslu.

6. Öryggisverðir virkari í að spyrja um kort: Komið á framfæri, hefur batnað til muna.

7. Hafa kaffi allan sólahringinn: Það er í skoðun

8. Viðvörunarbjöllur fara oft í gang á kvöldin: Komið á framfæri

9. Setja upp fleiri græn stæði: Skoða betur þegar að framkvæmdir við Háskólagarða fara í gang.

10. Hjólastólaaðgengi við inngang: Það er verið að útfæra það.

11. Meiri þrif á klósettum á prófatíð: Komið á framfæri.

12. Hafa Háskólabúðina opna lengur í prófunum: Háskólabúðin verður með opið til miðnættis yfir prófin, byrjar 10. nóvember. Einnig ætlar Málið að skoða hvort það sé grundvöllur að hafa opið lengur hjá sér.

13. Matarvagna á planið á kvöldin í prófum: Frábæt hugmynd, við munum athuga hvort það sé áhugi fyrir því.

14. Hvað á að gera við aðstöðuna þar sem Bóksala stúdenta var?: Það komu margar skemmtilegar ábendingar í hugmyndakassann og það er verið að skoða hvað best væri að gera við þessa aðstöðu.

#háskólaríhættu

#háskólaríhættu

Meðalframlag íslenska ríkisins á hvern ársnema í háskóla er tæplega 1,3 milljónir króna. Ísland er þar langt á eftir nágrannaþjóðum sínum því framlagið nemur rúmlega 2,2 milljónum króna að meðaltali annars staðar á Norðurlöndum.

Í aðgerðaáætlun Vísinda- og tækniráðs er markmiðið að styrkja fjármögnun háskólakerfisins hér á landi svo hún verði að minnsta kosti sambærileg við meðaltal annarra norrænna ríkja árið 2020. Ríkisfjármálaáætlun fyrir árin 2017-2021 sýnir hins vegar að engan veginn er komið til móts við ofangreint markmið.

Viðvarandi undirfjármögnun háskólanna dregur úr framþróun í samfélaginu og samkeppnishæfni landsins. Enn fremur er ljóst að ef ekki er lagt meira fé til reksturs háskólakerfisins þarf á endanum að fækka nemendum og draga úr fjölbreytileika í námsframboði.

Stúdentafélag Háskólans í Reykjavík í samstarfi við önnur stúdentafélög hafa komið af stað undirskriftarsöfnun á www.haskolarnir.is. Við hvetjum þig til að skrifa undir!

Nýtt skólaár hafið

Nýtt skólaár hafið

Kæru samnemendur! (ENGLISH BELOW!)

Nýnemar: velkomnir í HR, aðrir: velkomin aftur til starfa! Fyrir þá sem ekki vita að þá er SFHR, Stúdentafélag Háskólans í Reykjavík, hagsmunafélag nemenda í HR. Ef þið eruð ósátt við eitthvað innan skólans, svo sem kennsluna, áfangana, kennarana, aðstöðuna eða eitthvað annað, hafið þá samband við okkur. Okkar markmið er að við öll fáum sem mest út úr skólanum og að öllum líði eins og heima hjá sér hér í HR.

Þið getið haft samband við okkur í gegnum facebook, tölvupóst, komið við á skrifstofunni okkar (M205) eða stoppað okkur á göngum skólans. Einnig vorum við að stofna snapchat aðgang undir nafninu: ‘studentafelagid’, sem við munum ekki sjálf nota heldur verða gestasnapparar sem sjá um snappið í kringum sameiginlega viðburði HR.

Allir sem eru skráðir í skólann eru sjálfkrafa skráðir í SFHR og borga ekki nein gjöld. Í skólanum eru hinsvegar 6 nemendafélög, í hverri deild fyrir sig, og gjöldin í það eru mismunandi eftir félagi. Upplýsingar um nemendafélögin og tengiliði er að finna undir „Nefndir og félög“.

Ef það vakna einhverjar spurningar ekki hika við að hafa samband við okkur!

Kær kveðja,
Stúdentafélag Háskólans í Reykjavík.

——————————————————————————————–

Dear fellow RU students!

New students: Welkome to RU, others: welcome back! For you who don’t know, SFHR, The student association of Reykjavík University, . If something is wrong with the school, such as the teaching, the house or anything else, than contact us. Our goal is that we all get the most out of school and that everyone feels like home at RU.

You can contact us through facebook, email, stop by our office (M205) or stop us at school. We also just created a snapchat account under the username: ‘studentafelagid’, we will not be using it by ourselves, we’ll get a guestsnapper to hype up events that are going on at RU.

Everyone who goes to RU are automatically members of SFHR and do not pay any fees. At RU we have 6 student unions, in every department, and each student union charge for membership, and the price depends on the union. For more information about the student unions and contacts are to be found under „Clubs and committees“.

If you have any questions don’t hesitate to contact us!

Yours sincerely,
The RU Student Association

SFHR og Aðalskoðun

SFHR og Aðalskoðun

Frábært tilboð á bílaskoðun til nemenda – 4.000 kr. afsláttur!

Nýverið skrifaði Stúdentafélagið undir samstarfssamning við Aðalskoðun og er fyrirtækið orðið einn bakhjarl félagsins. Aðalskoðun býður nemendum HR 4.000 kr. afslátt af aðalskoðun bifreiðar þeirra (um 35% afsláttur) gegn framvísun HR skólaskírteinis ef komið er 1. – 25. dag mánaðar. Tilboðið gildir fyrir einn bíl í umsjá hvers nemanda. Við hvetjum nemendur til að nýta sér þetta frábæra tilboð og leyfa fagfólki Aðalskoðunar að yfirfara helstu öryggisatriði bílsins!

Aðalskoðun býðst einnig til að minna nemendur á þegar komið er að skoðun, aðeins þarf að senda tölvupóst á adalskodun@adalskodun.is með bilnúmeri viðkomandi og “Aðal” í titli.  Með því að fara með bílinn í skoðun á réttum tíma er hægt að forðast álagningu vanrækslugjalds frá hinu opinbera sem getur numið allt að 15.000 kr. á ári.

Nánari upplýsingar um Aðalskoðun, staðsetningar, verð og fleira má finna á www.adalskodun.is.

Það getur ýmislegt gerst ef ekki bíllinn er ekki skoðaður reglulega: https://vimeo.com/117804916

Adalskodun Studentar A4 heilsida jan2016